İnsan Resursları şöbəsinin müdiri

Təhsil Texnologiyaları Mərkəzi İnsan Resursları şöbəsinin fəaliyyətinin effektiv təşkili, müasir HR idarəetmə sistemlərinin qurulması və əməkdaşların inkişafını təmin etmək məqsədilə İnsan Resursları şöbəsinin müdiri vəzifəsinə peşəkar namizədləri dəvət edir.

Əsas vəzifə öhdəlikləri

TTM-nin strateji məqsədlərinə uyğun İnsan Resursları strategiyasının hazırlanmasına və həyata keçirilməsinə rəhbərlik etmək;
İnsan Resursları şöbəsinin fəaliyyətini planlaşdırmaq, iş bölgüsünü həyata keçirmək, əməkdaşların fəaliyyətini koordinasiya və nəzarət etmək;
Əmək münasibətlərinin Azərbaycan Respublikasının qanunvericiliyinin tələblərinə uyğun təşkil edilməsini və müvafiq HR prosedurlarının düzgün icrasını təmin etmək;
İşə qəbul və seçim proseslərinin effektiv təşkilini, şəffaf və sistemli namizəd seçimi mexanizmlərinin tətbiqini təmin etmək;
Vəzifə profillərinin, funksional öhdəliklərin, kompetensiya modellərinin və işə qəbul meyarlarının hazırlanmasını təşkil etmək;
Əməkdaşların fəaliyyətinin qiymətləndirilməsi və performance management sistemlərinin hazırlanması və tətbiqinə rəhbərlik etmək;
Əməkdaşların təlim və inkişaf ehtiyaclarını müəyyənləşdirmək, illik təlim və inkişaf planlarının hazırlanmasını və icrasını koordinasiya etmək;
Əməkdaşların motivasiyası, karyera inkişafı və kadr potensialının formalaşdırılması üzrə sistemlərin təkmilləşdirilməsi ilə bağlı təkliflər hazırlamaq;
Kadr ehtiyatının (talent pool) formalaşdırılmasını və inkişaf etdirilməsini təşkil etmək;
HR siyasət və prosedurlarının hazırlanmasını, tətbiqini və mütəmadi yenilənməsini təmin etmək;
Kadr uçotunun və HR məlumatlarının düzgün, sistemli və aktual aparılmasına nəzarət etmək;
HR məlumatları əsasında analitik hesabatların, əsas göstəricilərin (HR KPI) və idarəetmə üçün analitik məlumatların hazırlanmasını təşkil etmək;
İnsan resurslarının idarə edilməsində müasir metodologiyaların və rəqəmsal HR həllərinin tətbiqi üzrə təkliflər hazırlamaq;
HR proseslərinin səmərəliliyinin artırılması, avtomatlaşdırılması və rəqəmsallaşdırılması imkanlarını qiymətləndirmək;
Rəhbərliyi insan resursları, təşkilati inkişaf, kadr potensialı və əmək münasibətləri ilə bağlı məsələlər üzrə mütəmadi məlumatlandırmaq, təklif və tövsiyələr təqdim etmək.

Namizədə tələblər

İnsan resurslarının idarə edilməsi, idarəetmə, hüquq, iqtisadiyyat, dövlət idarəçiliyi və ya digər uyğun ixtisaslar üzrə ali təhsil;
İnsan resursları sahəsində ən azı 5 il iş təcrübəsi;
Rəhbər vəzifədə ən azı 2 il idarəetmə təcrübəsi;
Azərbaycan Respublikasının əmək qanunvericiliyi və əmək münasibətlərini tənzimləyən normativ-hüquqi baza üzrə yaxşı bilik;
HR strategiyasının hazırlanması və həyata keçirilməsi üzrə praktiki təcrübə;
İşə qəbul və seçim, performans idarəetməsi, təlim və inkişaf, motivasiya, karyera və istedadların idarə edilməsi sahələrində bilik və praktiki təcrübə;
HR siyasət və prosedurlarının hazırlanması və tətbiqi üzrə təcrübə;
Güclü liderlik və komanda idarəetmə bacarığı;
Analitik düşünmə, problem həll etmə və əsaslandırılmış qərarvermə qabiliyyəti;
Güclü kommunikasiya və danışıqlar aparmaq bacarığı;
Nəticəyönümlü və sistemli iş yanaşması;
MS Office proqramlarından, xüsusilə Excel və PowerPoint proqramlarından yaxşı istifadə bacarığı;
Azərbaycan dilində səlis şifahi və yazılı nitq bacarığı.