Vəzifə öhdəlikləri:

• Cəmiyyətin hüquq və qanuni mənafelərinə uyğun müxtəlif növ təsərrüfat müqavilələri (alqı-satqı, xidmət, podrat, icarə, borc, distributor, agent, birgə fəaliyyət, qarışıq müqavilələr, kollektiv müqavilələr və s) və müqavilələrin tərkib hissəsi olan sənədlərin (əlavə razılaşmalar, qiymət razılaşma protokoları, icra aktları, təhvil-təslim aktları və s.) hazırlamaq və Cəmiyyətin adından müqavilə danışıqlarını aparan şəxslərə təqdim etmək, müqavilənin digər tərəfinin hazırladığı müqavilələrin hüquqi ekspertizasını həyata keçirmək və bu barədə əsaslandırılmış hüquqi rəy vermək; hüquqi qüvvəyə minmiş müqavilələrə əlavə və dəyişikliklər edilməsini həyata keçirmək, bunun üçün müqavilə danışıqlarını aparan şəxslər və digər şöbə işçiləri ilə qarşılıqlı çalışmaq; 
• Cəmiyyətin hüquq və mənafelərinin qorunması üçün pretenziya məktubları, mediasiya təklifləri, mediasiya müraciəti, iddia ərizələri, apellyasiya şikayəti, kassasiya şikayəti, iddia ərizələrinə, apellyasiya və kassasiya şikayətinə əsaslandırılmış etirazlar, vəsatətlər, ərizələr, şikayətlər, izahatlar, arayışlar və s. digər prosessual sənədlər hazırlamaq, məhkəmə perspektivi üzrə yazılı hüquqi rəy vermək, Cəmiyyətin səlahiyyətli nümayəndəsi kimi Azərbaycan Respublikasının bütün istintaq orqanlarında, mediasiya sessiyalarında və məhkəmələrində təmsil etmək və mübahisələrin yalnız Cəmiyyətin hüquq və qanuni mənafelərinin qorunması istiqamətində həlli üçün tədbirlər görmək, Elektron Məhkəmə Portalı, Dövlət Vergi Xidmətinin Online Kargüzarlıq Sistemi və digər elektron sistemlər üzərindən elektron məhkəmə icraatının tələbləri üzrə zəruri hərəkətləri həyata keçirmək; məhkəmə və digər orqanlara dövlət rüsumunun ödənilməsini təşkil və təmin etmək, məhkəmə işlərinə baxılmasının nəticələrini ümumiləşdirmək və təhlil etmək, yekun qərar çıxarılmış məhkəmə işlərinə aid sənədlərin arxivlənməsi işini təşkil etmək;
• Cəmiyyətin hüquq və mənafelərinin qorunması üçün məhkəmə qərarlarının icrasını təqib etmək, icra vərəqəsinin icra olunması və ya Cəmiyyətin borclu qismində iştirak etdiyi icra işlərində icra işinin Cəmiyyətin maraqları daxilində həlli üçün bütün mümkün hüquqi vasitələrdən istifadə etmək, bu məqsədlə icra və probasiya şöbələrində Cəmiyyətin səlahiyyətli nümayəndəsi qismində iştirak etmək, müvafiq ərizə, şikayət və s. digər prosessual sənədlərin hazırlanmasını və göndərilməsini təmin etmək;
• Daxili hüquqi təminat xidmətləri üzrə Cəmiyyətin digər aidiyyati şöbələrinin / bölmələrinin fəaliyyətinin hüquqi işlərinə nəzarət və zəruriyyət olduqda hüquqi yardım etmək, xüsusilə, əmək qanunvericiliyinin təfsiri və tətbiqi ilə bağlı İnsan Resursları Departamentinə hüquqi yardım göstərmək, onların yazılı sorğularını cavablamaq, əmək və icra intizamının möhkəmləndirilməsi, işçilərin intizam və maddi məsuliyyətinə cəlb edilməsi haqqında müvafiq zəruri sənədlərin hazırlanmasında hüquqi yardım göstərmək, Cəmiyyətin fəaliyyəti zamanı ortaya çıxmış mübahisəli hüquqi məsələlərə dair rəylərin, dövlət orqanlarına, publik hüquqi şəxslərə, hüquq mühafizə orqanlarına sorğu, ərizə və məktubların hazırlanmasında iştirak etmək və müvafiq hüquqi yardım göstərmək;
• Cəmiyyətin və törəmə müəssisələrin struktur bölmələrinin işçilərinin iştirakı ilə mənimsəmə, israfçılıq və digər cinayət xarakterli qanun pozuntuları haqqında istintaq və məhkəmə orqanlarına verilməsi üçün müvafiq sənədləri hazırlamaq, mülkiyyətin mühafizəsinin təmin edilməsi, israf və mənimsəmə ilə mübarizə üzrə tədbirlərin işlənib hazırlanmasında və yerinə yetirilməsində iştirak etmək, 
• Yeni qanunvericilik layihələrini mütəmadi olaraq izləmək, normativ hüquqi aktlara edilmiş əlavələri, dəyişiklikləri və ya normativ hüquqi aktların ləğv olunması haqqında işləri təqib etmək. 
• Hüquqşünas vəzifəsi üçün qanundan irəli gələn digər zəruri öhdəlikləri icra etmək;

Tələblər:

• Hüquq üzrə ali təhsil, magistr və daha yüksək dərəcə üzrə ali təhsil üstünlükdür.
• Müvafiq sahə üzrə minimum 5 il iş təcrübəsi;
• Azərbaycan dilində sərbəst, rus və ingilis dilini biliyi üstünlükdür
• Kompüter bacarıqları: Microsoft Office (Excel, Word, Outlook) – yaxşı səviyyədə;
• Analitik düşüncə və güclü təhlil qabiliyyəti;
• İşin planlaşdırılması və təşkil edilməsi bacarığı;
• Detallara diqqət, davamlı öyrənməyə və inkişaf etməyə meyillilik.

 Biz nə təklif edirik:

• Müəssisə: SUN FOOD MMC
• İş yeri: Heydər Əliyev pr. 92A
• İş qrafiki: Bazar ertəsi–Cümə, 09:00–18:00
• Nahar: Şirkət tərəfindən təmin olunur
• Əməkhaqqı: Təcrübə və ixtisas səviyyəsinə uyğun, rəqabətqabiliyyətli

Tələblərə cavab verdiyinizi düşünürsünüzsə, CV-nizi Müraciət et düyməsində qeyd olunan elektron poçt ünvanına göndərə bilərsiniz və ya hr.azersun.com saytında qeydiyyatdan keçərək müraciət edə bilərsiniz. Email-in mövzu hissəsində “Hüquqşünas - SUN FOOD MMC” qeyd etməyiniz xahiş olunur